«Білімге ұмтылу, еңбексүйгіштік және отаншылдық»

01.09.2022 ж күні 1 қыркүйек - Білім күніне орай 1-11 сыныптарға арналған «Білімге ұмтылу, еңбексүйгіштік және отаншылдық» тақырыбындағы мерекелік салтанатты жиынымыз болып өтті. Салтанатты жиынымызға қалалық оқу-әдістемелік орталығының әдіскері Мурсадова Гулбану Бакбергеновна және ата-аналар қатысты.

Салтанатты жиын барысында мектебіміздің басшысы Умирзакова Бақыт Сарауқызы келген қонақтар мен мектеп ұжымын жаңа оқу жылымен құттықтап, өткен оқу жылындағы жеткен жетістіктерге тоқталып өтті.

Келген қонақтар да мектеп ұстаздары мен алғаш мектеп табалдырығын аттап келіп отырған 1-сынып оқушыларына жүрекжарды ақ тілектерін арнады.

Баршаңызды бүгінгі Білім күнімен және жаңа оқу жылының басталуымен шын жүректен құттықтаймыз!Сіздерге бүгінгі ерекше, жайма шуақ күні жақсы көңіл күй, жаңа жетістіктер мен ашылуларға ұдайы ізденіс, шығармашылық табыс, мықты денсаулық және жаңа бастамаларда тек қана сәттілік тілейміз!