Жаңаөзен қаласындағы № 10 жалпы білім беретін мектебінде 2022 жылдың ақпан айында,терроризм мен апатты жағдайларға қарсы іс-қимылдары жоспарға сәйкес кездесу өткізілді. Діни теріс ағымдардың әсері туралы ақпаратты тұрғындар арасында тиімді насихаттау мақсатында «Экстремизм мен Терроризмге жол жоқ » тақырыбында мектеп оқушыларымен кездесу өткізді. Сонымен бірге дін мәселесінің қазіргі таңда өзектілігіне байланысты Қоғамдық даму орталығының теолог маманы Рахатов Заманбек Манарбекұлы кездесуге арнайы шақыртылды. Келген қонақтар балалармен неліктен кездесуге келгенін түсіндіріп өтті. Кездесу барысында оқушыларға әлемдегі дін түрлері туралы, соның ішінде Ислам діні туралы кең көлемде түсінік берілді. Сонымен бірге, оқушыларға сұрақтар қоя отырып, мазхаб туралы түсінік берді.

Ол қазіргі таңдағы Қазақстанда болып жатқан діни жағдайды түсіндіріп, экстремизм мен терроризмнің XXI ғасырдың індеті екендігін жеткізді. Оның алдын-алуда жастардың рөлін ерекше атап өтіп, оның қандай да белгілерімен бірлесе күресуге шақырды.