Маңғыстау облысы білім басқармасының Жаңаөзен қаласы бойынша білім бөлімінің 01-07/236 15.04.2022ж. сәуір айында сенбілік өткізу іс-шара жоспарына сәйкес, 16.04.2022ж. «№10 жалпы білім беретін мектеп» КММ-нде мектеп маңына тазалық жұмыстары жүргізіліп,мектеп аумағына тиісті жерлерге абаттандыру элементтерін сырлау, ағаш түптерін әктеу және мектеп ауласына 60 түп жас тал жеміс ағаштары отырғызылды. Сенбіліктің өтуіне мектеп қызметкерлері, жоғары сынып оқушылары, ата-аналар атсалысты.

Сенбіліктің басты мақсаты: экологиялық мәдениетті сақтай отырып мектеп аумағына тазалық жұмыстарын жасау.

Мектебіміздің директоры Б.С.Умирзакова: “Сенбіліктің басты мақсаты - қаланың көркіне көрік қосу, тазалығы мен экологиялық жағдайын жақсарту. Сенбіліктің әр қоғамдық орынның, қала көшелерінің тазалығын сақтауға аударып, экологиялық мәдениетті қалыптастыруда маңызы зор. Олай болса,әр ұжымның мүшесін,сәуір айының әр сенбісінде бірлікте мектеп маңын көркейтуге, тазалық жұмыстарын жасауға атсалысуға шақырамын”-деп, сенбілікке шығар алдында ұжымға сәттілік тіледі.

Сенбілік — бұл ұжымдық рухты, бірегейлікті, психологиялық климатты көтеретін керемет әдіс.Сенбілік қызметкерлер арасында жұмыстан тыс әнгімелесу мен бір-бірін жақын тануға мүмкіндік береді. Бұрыннан белгілі, ортақ мүдде үшін бірлесіп жасаған еңбектей еш нәрсе адамдарды біріктіре алмайды. «Тазалық – табалдырықтан басталады», демекші қоршаған ортаның тазалығына жауапкершілікпен қарау – әрбір азаматтың басты міндеті. Көктемнің шуақты күндерінен бастау алған туған жерімізді қоқыстан тазарту мақсатында ұйымдастырылатын сенбілік жұмыстары жалғасын табады.

Сәуір айында әр сенбі сайын өтетін сенбілік туралы материал әлеуметтік желіге жарияланып отырады.