АТТЕСТАТ - ҮЛКЕН ӨМІРГЕ БІР ҚАДАМ.

Бүгін мектебіміздің 34-ші түлектері 11-сыныптың бітіруші түлектеріне аттестат тапсыру мерекелік іс-шарасы салтанатты түрде өткізілді.

Бүгінгі жалпы білім беретін мектепті бітіруші 11-сынып оқушылары үшін ерекше күн, өмірдің бір маңызды баспалдағы. Мектеп табалдырығын аттағаннан бері 11 жыл бойы алған білім- білімнің іргетасы, негізі болып табылады. Осы жылдарда оқушыларымыз мектеп қабырғасында балалық шақтарын алаңсыз өткізіп, білім мен тәрбие алып, оң мен солды, жақсы мен жаманды айыра алатын естияр азамат пен азаматшаларға айналды.

Мектеп директоры Умирзакова Бақыт Сарауқызы оқушыларға арнап құттықтау сөз сөйлеп, ізгі тілегін білдірді.

Мектебімізде 11-сыныптар арасында 71 түлек үлкен өмірге жолдама алды. ТҮЛЕКТЕР арасында 1 білім алушы "АЛТЫН БЕЛГІ" иегері, 3 білім алушы "ҮЗДІК АТТЕСТАТ" иегері атанды. Оқу жылында жетістікке жеткен оқушыларды мектеп басшысы Б.С.Умирзакова және оқу ісінің орынбасары Ш.Б.Баткамбаева Мақтау қағазын табыстады. Жақсы біліммен, тағылымды тәрбиемен өскен ұл - қыздарымыз Отанымыздың қазынасы, елдің ертеңгі елеулі тірегі.

Келешектеріңіз жарқын да нұрлы болсын, Тәуелсіз елдің байрағын биік ұстар ұрпақтар, жас түлектер!